Претседателот на Венецуела, Хуго Чавез, му порача денеска на повторно избраниот претседател Барак Обама да се воздржи од мешање во меѓународните конфликти и да се фокусира на решавањето на домашните проблеми.
– Обама најпрво треба да се грижи за сопствената нација, која има многу економски и социјални проблеми. Таа е поделена, социјално раздробена земја, каде суперелитата го експлоатира народот рече Чавез во неговиот прв јавен коментар по победата на Обама.
– Треба да се посвети на водењето на сопствената земја и да заборави на идејата да врши поделби и инвазии на други земји – додаде Чавез.
Тој не го криеше своето разочарување од Обама, обвинувајќи го за водење на иста агресивна надворешна политика како и неговиот претходник Џорџ Буш.