Целиот воздушен сообраќај над Лондон е затворен: Авионите кружат, не можат да слетаат

Од:

Денес попладне, целиот воздушен сообраќај над Лондон е затворен. Како што објавија бројни светски медиуми, според непотврдени информации, се e поради техничка грешка. Наводно, имало дефект во еден од радарите.

Затворањето на воздушниот сообраќај над Лондон доведе до хаос на аеродромите низ Велика Британија, бидејќи илјадници патници беа блокирани. Полетувањата од аеродромите, вклучувајќи го и најголемиот во Велика Британија, Лондон Хитроу, беа прекинати поради дефект во контролата на воздушниот сообраќај (ATC).

Прекини во воздушниот сообраќај се случија на аеродромите во Бирмингем, Ливерпул, Единбург, Манчестер, Гетвик, Лутон…

Авионите што моментално се во воздух кружат околу аеродромот и сè уште не можат да слетаат. На социјалните мрежи се појавија пораки дека авион што требаше да слета на Хитроу моментално кружи околу планината Бен Невис бидејќи не може безбедно да слета.

Во меѓувреме, патничката Џејн Ајнсворт изјави дека нејзиниот лет од Кос до Бирмингем бил принуден да слета во Брисел. Друга фрустрирана патничка пријави дека „не оди никаде“ додека седеше на пистата 40 минути.

„Не одиме никаде бидејќи немало ниту едно полетување од аеродромот Хитроу во последните 40 минути. Очигледно „радарот е паднат““, рече еден патник.

Би можело да ве интересира

Повеќе од 770 училишта во Британија добија закани за поставени бомби

Кина ја контролира трката за критични минерали – Британија предупредува на сериозен ризик за економската безбедност

Бран закани со бомби ги потресе европските аеродроми: Најмалку 27 авиони се цел

Барселона, Мадрид и Париз се омилените дестинации на европските патници во 2026 година

А1он

Ја пратија дома со дијагноза ангина – почина две недели пред нејзиниот шести роденден

А1он

(ВИДЕО) Серија закани за поставени бомби во авиони

Горан Наумовски