Бунтовниците од Курдската работничка партија (ПКК) треба да си заминат од територијата на северен Ирак за да не се дозволи воздушните напади на турската авијација врз нивните позиции да предизвикаат жртви меѓу цивилното население, се посочува во денешното соопштение на претседателството на автономниот регион на Ирачки Курдистан, цитирано од француските медиуми.
ПКК треба да го одалечи своето бојно поле од регионот на Ирачки Курдистан за цивилите да не станат жртви на оваа војна, се наведува во соопштението на бирото на претседателот на Ирачки Курдистан, Масуд Барзани.