Унгарија бара од Германија да ја разјасни правната ситуација поврзана со движењето на илегалните мигранти во Европска унија, соопшти денеска Владата во Будимпешта.
– Германија последните денови демонстрира попустлив став кон илегалните имигранти кои пристигнуваат од Сирија, што ја зголеми надежта кај мигрантите, а ситуацијата стана нејасна и нетранспарентна, изјави портпаролот на унгарската Влада Андраш Гиро-Сас.
Тој наведе дека според шенгенските правила мигрантите можат да ја напуштат Унгарија само со важечки патни исправи и виза од земјата каде што одат. Унгарските власти постапувајќи во согласност со законите на ЕУ и на Унгарија задржаа поголем број мигранти на железничката станица во Будимпешта.
– За да заврши таквата нетранспарентна и штетна состојба бараме од Германија да ја разјасни правната ситуација, наведе Гиро-Сас.