Брод на организацијата „СОС Медитеране“ денеска спаси 114 лица, меѓу кои десет жени и две новороденчиња, кои биле на „брод во тешкотии“ во близина на либискиот брег во обид да стигнат до Европа, соопшти оваа невладина организација.
Спасувачката операција е спроведена во меѓународни води по целоноќна потрага по бродот што имал проблеми, соопшти организацијата со седиште во Марсеј.
„СОС Медитеране“,заедно со Меѓународната федерација на Црвениот крст и Црвената полумесечина, го изнајмиле бродот за спасување „Оушн Викинг“.
На гумениот чамец имало 10 жени и 30 малолетни лица, од кои 26 биле без придружба, изјави за француските медиуми портпаролката на „СОС Медитеране“, Мерил Соти. Меѓу малолетниците имало и две новороденчиња, од кои едното имало само 11 дена.