Рускиот претседател Владимир Путин во средата одржа средба со својот министер за одбрана и воените команданти, на која пред камери разговараа за плановите на војската за следната година.
Анализа на она што беше кажано денеска беше објавено од британското Министерство за одбрана, при што британското воено разузнавање се фокусираше на плановите за проширување на руските вооружени сили, кои ги презентираше рускиот министер за одбрана Сергеј Шојгу.
Шојгу рече дека Русија ќе ги зголеми своите сили за околу 30%, на околу 1,5 милиони активни припадници на армијата. Британските разузнавачи наведуваат дека „не е јасно кога ќе се постигне ова ниво на зајакнување на руската армија“.
Latest Defence Intelligence update on the situation in Ukraine – 23 December 2022
Find out more about the UK government’s response: https://t.co/3hTCDMM4Xq
🇺🇦 #StandWithUkraine 🇺🇦 pic.twitter.com/C7wHk3WLS3
— Ministry of Defence 🇬🇧 (@DefenceHQ) December 23, 2022
На истиот состанок, Шојгу рече и дека проширувањето на армијата ќе вклучи зголемување на најмалку две нови бригади на северозапад од Русија на ниво на дивизија. Како оправдување за ова ја наведе „заканата“ поради очекуваниот влез на Финска и Шведска во НАТО.