Британското Министерство за одбрана објави дека руските сили постигнале минимален напредок оваа недела, пренесува Sky News.
„Украинските сили продолжуваат да ги одбиваат нападите на руските сили кои постигнаа минимален напредок оваа недела“, соопшти Министерството.
Украинците продолжуваат да ги спречуваат обидите на Русија да ги опколи клучните градови Киев и Миколаев, велат тие. Сепак, Харков, Чернихив и Мариупол сè уште се опколени од руските сили и подложени на силно гранатирање.