Британската полиција и специјалните служби спречиле 12 обиди за терористички напади во државата во изминатите три години, изјави генералниот директор на МИ-5, Ендрју Паркер.
– Денес најголема закана за Британија е тероризмот, најмногу од страна на Исламска држава, наведува Паркер во текст објавен на веб-сајтот на МИ-5.
– Заедно со МИ-6, радиоелекстронското разузнавање и полицијата, МИ-5 спречи 12 заговори од јуни 2013 година, додава тој.
Во Велика Британија лани биле уапсени 315 луѓе под сомнение за терористичка дејност што е рекорден број откако се води статистика во таа област.