– Британскиот министер за финансии Џорџ Озборн денеска за Би-Би-Си изјави дека не ја гледа Турција во составот на ЕУ во блиска иднина.
– Ние можеме да поставуваме услови и јасно дадовме на знаење дека нема да примаме нови членки на ЕУ и да им даваме неограничена слобода на движење, се додека нивното ниво на економија и благосостојба не се изедначи со нашето. Јас, искрено, не мислам дека членство на Турција е можно во скоро време, рече министерот.
Озборн исто така истакна дека во случај на прием на Турција во ЕУ британската влада ќе преземе мерки за престанок на миграцијата на Турци во Обединетото Кралство.