Повеќе од 100 британски војници заминаа денеска од воената база на РАФ Нортон,во Оксфордшир,за Естонија,за да учествуваат во воената вежба во оваа балтичка земја.
Оваа вежба се одржува како реакција на продолжувањето на тензиите меѓу Киев и Москва,кои во источна Украина екслаираа во воени судирања меѓу федералистите и украинските безбедносни сили.
Властите на Естонија и на другите балтички држави стравуваат од евентуален упад на руските сили и на нивната територија,па побараа од НАТО и од сојузниците, зголемена воена заштита за нивниот територијален интегритет. Заедно со британските војници,за Естонија отпатува и министерот за одбрана Филип Хамонд.
Присуството на Брианците во оваа земја,означува прво воено вклучување на Велика Британија во некоја од вежбите и операциите во земјите на Источна Европа,по избувнувањето на украинската криза.
Според објаснувањето на министерството за одбрана во Лондон,учеството на британски војнци на една вежба во Естонија,претставува потврда на сојузништвото на Велика Британија со земјите од Балтикот,како порака до Русија дека Британците се подготвени да бидат дел од одбраната на сојузниците во овој дел од Европа.
Минатиот месец,британски авиони „Тајфун“ беа испратени во Литванија за да се приклучат во патролирањето над небото на трите балтички земји. Британскиот министер Хамонд,за време на престојот во регионот,ќе се сретне и со пилотите на авионите.
Полска и трите земји од Балтокот се најгласните критичари на руската „интервенција“ во Украина и анексијата на Крим,тврдејќи дека и тие се изложени на „директна закана„ од Русија.