Новинар во британскиот таблоид „Сандеј мирор“, Греам Џонсон, се изјасни за виновен во врска со хакирање гласовна пошта, со цел медиумска сензација.
Џонсон ја призна вината, а пресудата ќе биде донесена на 27 ноември. Четириесет и шестгодишниот маж и се предаде на полицијата, откако разбрал за апсењата на негови колеги по слични обвиненија.
Тој појасни дека бил научен да хакира гласовна пошта од лице на висока позиција и оти ја користел техниката во 2001 година. Џонсон изјави пред судот дека „не знаел оти хакирањето е незаконско“, кога тоа го сторил.
Скандалот за хакирање телефони во Велика Британија доведе до затворање на таблоидот „Њуз оф д ворлд“.