Обемот на штетата што ја оставија руските трупи северно од Киев одразува колку руската војска е подготвена да употреби артилерија над населените области, соопшти британското Министерство за одбрана во најновиот разузнавачки извештај. Тие додаваат дека Москва најверојатно повеќе ќе се потпира на артилерија во Донбас во наредните недели.
Latest Defence Intelligence update on the situation in Ukraine – 17 May 2022
Find out more about the UK government's response: https://t.co/GwwPZ9lX8D
?? #StandWithUkraine ?? pic.twitter.com/PuqLnVGj0Q
— Ministry of Defence ?? (@DefenceHQ) May 17, 2022
„Во регионот Чернихив, северно од Киев, се проценува дека околу 3.500 згради биле уништени или оштетени за време на напредувањето на Русија кон главниот град на Украина. Околу 80 отсто од штетата била предизвикана на станбени згради. Ова покажува колку Русија е подготвена да употреби артилерија во населените области“, пишуваат Британците.
„Русија веројатно прибегна кон зголемено потпирање на неселективно артилериско бомбардирање поради нејзината ограничена способност за постигнување цели и неподготвеноста да преземе ризици со рутински летање борбени авиони надвор од сопствената линија на фронтот. Во следните недели, Русија најверојатно ќе продолжи многу да се потпира на масовни артилериски напади, додека се обидува да ја врати динамиката во својот напредок во Донбас“, се додава во извештајот.