Британија го повика рускиот амбасадор во Лондон да го објасни инцидентот, откако руски воени авиони се забележани во близина на британскиот воздушен простор.
Во соопштението се наведува дека маневрите се дел од зајакнато присуство на руски летала надвор од подрачјата за нивни операции.
-Иако руските авиони не влегоа во суверениот воздушен простор на Обединетото кралство и времето го поминаа во придружба на авионот РАФ на (Кралските воздухопловни сили), тие беа на подрачје на Велика Британија – се наведува во соопштението.
Руските авиони во среда биле забележани над Ламанш, јужно од Велика Британија, по што британски ловци од типот „тајфун“ полетаа од две бази во Велика Британија и Шкотска.
Британското министерство за одбрана соопшти дека странува збор за бомбардери „тупољев Ту-95“ познати по НАТО класификација како руски „мечки“.
Инаку НАТО во тек на минатата година повеќе од 100 пати пресретна руски авиони, што е три пати повеќе во однос на 2013 година и тоа во момент на засилување на тензиите помеѓу Запад и Москва поради украинската криза.
Е. Г.