Велика Британија во рок од неколку дена ќе почне да прифаќа стотици деца на мигранти од кампот во Кале, на француската страна од протокот Ла Манш, соопшти Владата во Лондон.
Британската министерка за внатрешни работи Амбер Руд изјави пред пратениците во Долниот дом на британскиот Парламент дека Владата ќе дејствува итно и ќе ги прифати децата на мигрантите кои имаат роднини во Британија, објаснувајќи дека очекуваат од француските власти да достават листа со малолетните мигранти кои Британија може да ги прими.
– Веруваме дека Французите оваа недела ќе ни достават листа и ние итно, за неколку дена, ќе дејствуваме, со цел да го исполниме ветувањето, нагласи Руд по средбата со францускиот колега Бернар Казнев.