Велика Британија ја разгледува можноста за напуштање на ЕУ без претходно да се постигне договор со Брисел за регулирање на нејзините взаемни односи со Унијата, изјави портпарол на Владата на денешниот брифинг за новинарите.
Британската Влада ќе почне да го разгледува ова прашање на редовните состаноци што ги одржува секој вторник, на кои се дискутира за Брегзит, односно излегувањето од ЕУ.
Досега состаноците се одвивале под претпоставка дека Брисел и Лондон сепак на крајот ќе успеат да постигнат договор за трговските односи, правата на иселениците и други горливи прашања како што е плаќањето надомест на Унијата.
Но, по слабиот напредок во досегашниот тек на преговорите, министерот задолжен за Брегзит, Дејвид Дејвис ќе води состаноци со земање предвид на сите можни сценарија, вклучително и напуштање на ЕУ без договор.