Велика Британија не и дозволи на руската делегација да присуствува на аеромитингот во Фарнборо поради кризата во Украина, што предизвика остри реакции од Москва.
Руската амбасада во Лондон изрази „жалење“ поради тоа што Британија не им одобрила визи на поголем дел од нејзината делегација и побара итно образложение.
Меѓународниот аеромитинг во Фарнборо е важен настан во областа на авијацијата и Русија тука обично испраќа голем контингент со намера да склучи зделки.
Форин офисот соопшти дека им испраќа покана на претставници на странски влади да присуствуваат на аеромитингот како гости на британската Влада, иако тоа е комерцијален настан.
– Поради постапките на Русија во Украина, ниту еден претставник од руската Влада не доби покана за годинешниот аеромитинг, се наведува во соопштението.
Освен тоа, Лондон ја отстрани Русија од списокот на земји кои можат да купуваат британски авиони или опрема, со цел да ги спречи Русите во намерите да присуствуваат на аеромитингот.