Граѓанин од БиХ (38) во неделата по семејна расправија во Оверпелт, Белгија, ја убил својата поранешна сопруга и двете мали деца на возраст од три и една година. Локалните медиуми јавуваат дека тој се самоубил по убиството на неговото семејство.
Соседите слушнале бучава од станот во кој живее семејството на 38-годишната, по што во станот влегол сосед и ги видел телата на жената и децата и повикал полиција.
Мажот побегнал од местото на злосторството, а полицијата со бројни патроли и хеликоптер тргнала во потрага по него. Полицијата го пронашла мртов за помалку од половина час, покрај автомобил во близина на каналот Синт-Хуибрехтс-Лил.
Засега не се знае кога ги убил сопругата и децата, но соседите велат дека полицијата на местото на настанот пристигнала во 17.45 часот. Од јавното обвинителство потврдија дека ја истражуваат оваа семејна трагедија и дека се работи за тројно убиство и самоубиство.
Локалните медиуми пишуваат дека семејството и е познато на полицијата бидејќи во нивниот стан деновиве неколку пати доаѓале полицајци за да пријават семејно насилство.