Поранешниот премиер на Велика Британија Борис Џонсон денеска изјави дека е убеден дека кандидатот за претседателските избори во САД, Доналд Трамп, ќе помогне да се стави крај на војната во Украина, бидејќи разбира дека поразот може да има огромни долгорочни последици за Соединетите Американски Држави и светот.
Според Џонсон, по разговорот со Трамп оваа недела, тој е посигурен од кога било дека Трамп има сила и решителност да ја спаси Украина.
„Трамп ја разбира реалноста: поразот на Украина ќе биде огромен пораз за Америка. И не се работи само за исчезнувањето на слободата и демократијата, туку и за ропството на украинскиот народ. Верувам дека Трамп може да стави крај на Војната под соодветни услови за Украина и Западот, нагласувам дека тие не можат да бидат сигурни што точно ќе направи ако биде избран, но тоа е она што тој може да го направи“, рече Џонсон во текстот за Дејли Мејл.