Војската на Боливија доби дозвола да соборува авиони за кои постои сомнеж дека превезуваат кокаин.
Мерката ќе почне да се применува откако ќе биде обезбедена доволна радарска покриеност на целата територија на земјата.
Законот, што во вторникот го потпиша претседателот Ево Моралес, предвидува пред да почне со спроведување на планот Боливија да набави и постави радарски системи што недостигаат на нејзините граници.
Моралес изјави пред новинарите дека Боливија разговара со други земји за набавка на шест радари во вредност од вкупно 90 милиони долари.
Боливија е трета во светот по производство на кокаин и главна транзитна земја за делумно преработен кокаин од Перу.