Кандидатот за претседател на САД и милијардер, Мајк Блумберг во емисјата „Обраќање до нацијата“ го искористи себепромовирањето на начин што го привлече вниманието кај граѓаните потенцирајќи ја алармантната ситуација на можната пандемија.
Тој зборуваше за смртоносниот коронавирусот и лидерството кое им е потребно на американците, истакнувајќи дека тој може да се справи со вирусот и да ги заштити граѓаните.
Во видео обраќањето, Блумберг се наоѓа во просторија која наликува на овалната соба во Белата куќа и зборува од позиција како иден претседател на државата.
Неговото триминутно обраќање беше проследено во најгледаниот период од страна на националните телевизии во САД, „Ен-Би-Си“ како и „Си-Би-Ес“.
Блумберг ќе се соочи со финалните резултати од гласањето во 14 сојузни држави во рамките на Демократската партија овој вторник.