САД бараат силна декларација за координација за зголемената миграција кога лидерите на Јужна Америка во јуни ќе се состанат во Лос Анџелес, изјави американскиот државен секретар Ентони Блинкен.
Блинкен отпатува во Панама за да се сретне со регионалните колеги бидејќи рекорден број луѓе се раселени ширум светот предизвикувајќи не само хуманитарна криза, туку и растечки политички грижи за претседателот Џо Бајден, јавија американските медиуми.
Блинкен рече дека разговорите во Панама имаат за цел „да ја постават основата за силна декларација на нашите лидери“ на Самитот од 6-10 јуни во Калифорнија.
Блинкен повика на „Декларација од Лос Анџелес за заштита на миграцијата која ги утврдува нашите заеднички принципи за заеднички, координиран одговор“.
„Можеме да направиме длабока разлика во животите на нашите најранливи сограѓани и за иднината на нашиот регион“, рече тој.
Бајден го свика самитот за да ја истакне својата агенда за промовирање на демократијата, при што се очекува да бидат исклучени автократските владетели во регионот.
Речиси 100 милиони луѓе ширум светот се раселени – најмногу од Втората светска војна.
Извор: МИА