Безжичната компјутерска мрежа ви-фи од 2 декември стана достапна во возовите на сите линии во московското метро.
Сите 12 линии на метрото во Москва, чија должина изнесува повеќе од 325 километри, со повеќе од пет илјади вагони, ќе имаат бесплатен интернет.
Прес-службата на московското метро соопшти дека ова е прв таков случај во светот.
– Во некои градови во светот постои ви-фи на станиците од подземните железници, но не и во вагоните, потврди прес-службата.
Во Москва оваа услуга е достапна само во вагоните, додека на станиците нема интернет мрежа.