Американскиот министер за финансии, Скот Бесент , денес изјави дека Москва веднаш ќе ги почувствува последиците од американските санкции врз својата економија.
„Мислам дека Русија веднаш ќе ја почувствува болката. Можам да ви кажам дека веќе видовме како Индија целосно престана да купува руска нафта. Многу кинески рафинерии престанаа да работат“, рече Бесент во интервју за CBS News, кога беше замолен да ја коментира изјавата на шефот на Рускиот фонд за директни инвестиции, Кирил Дмитриев, дека американските санкции „нема да имаат влијание врз руската економија“.
Тој го нарече Дмитриев „руски пропагандист“.
„Дали навистина ќе објавите што вели рускиот пропагандист? Што друго би можел да каже? Дека сè ќе биде ужасно и дека тоа ќе го принуди (рускиот претседател Владимир) Путин на преговарачка маса?“, рече Бесент.
Министерот за финансии на САД додаде дека економскиот раст на Русија за време на целосната војна против Украина е практично непостоечки.
Според него, стапката на инфлација во Русија е над 20 проценти.
„Сè што ќе направиме ќе го принуди Путин на преговарачка маса. Нафтата ја финансира руската воена машина и мислам дека можеме значително да ги намалиме нејзините профити“, нагласи Бесент.
Американскиот секретар за финансии истакна дека приходите од извоз на руска нафта се намалени за 20 проценти во споредба со истиот период минатата година и би можеле да паднат „уште 20 проценти или дури 30 проценти“.
„Ова е кампања за максимален притисок што ќе успее… Американскиот претседател Доналд Трамп повторно беше критикуван дека не прави доволно, објави Танјуг. Тој „Тој го прави својот смел потег, а потоа цитирате руски пропагандист“, рече Бесент.