Германија ги зајакнува напорите за борба со организираниот криминал со купување на Панамски документи за кои платила пет милиони евра.
Официјални владини лица потврдија денеска во Берлин дека германската федерална криминална полиција ги купила документите што беа објавени минатата година како дел од напорите за борба со компаниите и поединци кои избегнуваат плаќање даноци, јави ДПА.
Во документите се имиња на оние кои ја користеле адвокатската фирма Мосак Фонсека.
На листата се имиња на политичари, членови на нивни семејства и блиски помошници од целиот свет.
Во септември 2016 година Данска се согласи да плати на анонимни извори за информации за стотици Данци споменати во листата на панамските документи.