Бензински пумпи во Велика Британија се затворени поради проблеми со испорака на гориво

Од:

Бензински пумпи во Велика Британија се затворени денеска поради проблеми со испораката на гориво. На најмалку 100 бензински пумпи во сопственост на БП им недостасува барем еден вид гориво, а неколку се целосно празни.

Проблемот при испораката настана поради недостиг на доволен број возачи на камиони. БП се извини за непријатностите, додавајќи: „Имаме проблеми со полнењето гориво на некои од нашите локации за малопродажба во Велкика Британија, па за жал видовме неколку пумпи што беа привремено затворени поради недостиг на безоловно и дизел гориво“.

Esso соопшти дека неколку од нивните бензински пумпи што работат заедно со супермаркетите на „Теско експрес“ се погодени од недостигот и дека испораките до продавниците се прекинати. Редици за бензин има на бензински пумпи во Лондон и Кент, но владата тврди дека нема недостиг. Иако Даунинг стрит посочува дека нема недостиг, министрите се под притисок да преземат акција за ублажување на акутниот недостиг на работна сила и прекини во синџирот на снабдување предизвикани од Брегзит и пандемијата. Здруженијата на трговци бараат од владата да смисли визна шема за да помогне да се бараат повеќе работници во фармите, фабриките и патниот транспорт.

Кабинетот на премиерот Борис Џонсон соопшти дека има проблеми во неколку индустрии и дека владата тесно соработувала со бизнис лидерите оваа недела за да помогне да се најде решение.

Би можело да ве интересира

„Тајмс“: Лондон преговара со Киев за испорака на ракети

Ана Ололовска

Британскиот министер за здравство не исклучува бројот на заразени со Ковид-19 да биде 100.000 дневно

Ана Ололовска

Кралицата Елизабета го откажа патувањето за Северна Ирска по совет на докторот

А1он

Џонсон најави партнерство со Гејтс во вредност од 552 милиони долари

Ана Ололовска

Во последните 24 часа во Британија регистрирани 43.738 нови случаи на коронавирус, најмногу во Европа

Ана Ололовска

Евакуација на аеродромот во Манчестер поради сомнителен пакет

А1он