„Сите си требаме постојано. Неопходно е да се создаде нов начин на живеење во мир за идните генерации“, изјави поглаварот на Католичката црква, папата Бенедикт XVI, кој е во официјална посета на Либан.
Папата Бенедикт пристигна во Бејрут вчера, а утринава во претседателската палата се сретнаа со претседателот Мишел Сулејман, премиерот Микати Нецип и многу политички и религиозни лидери.
По средбата, папата во градината на претседателската палата го полеа дрвото кое беше засадено во негова чест и одржа говор.
Папата истакна дека кедрот, засаден во градината на претседателската палата е симбол на убавината на оваа земја и дека тој се надева дека со растењето на ова дрво ќе расте и верата на либанскиот народ.
Муслиманите и христијаните живееле заедно во Либан со векови и ако луѓето можат да живеат заено во исто семејство, зошто не би можеле и во иста држава, рече Папата, истакнувајќи дека основен услов за верскиот мир е почитта и побара почит од политичарите, дипломатите, религиозните водачи, мажите и жените од сите култури да се почитуваат едни со други и да живеат во мир.
Претседателот Мишел Сулејман во својот говор рече дека посетата на Бенедикт Шеснаесетти на Либан во овој момент е многу важен дел историјата и дека се вложени сите напори Либан да се заштити од немирите.