Бен Валас за експлозиите на Крим: Очигледно не се од паднат отпушок

Од:

Британскиот министер за одбрана Бен Валас ги отфрли руските изговори за големите експлозии во руската воена воздухопловна база на Крим, оддалечена околу 200 километри од фронтот. Смета дека се работи за „легитимна мета“ на украинската армија.

dobivaj vesti na viber

„Кога ќе ги погледнете снимките на двете експлозии симултано, кои и не се толку блиску, па и тоа што и руските власти признаа дека е направена штета, сметам дека е јасно оти не се работи за нешто што се случило поради тоа што некому му паднала цигарата“, рече Валас.

На прашањето дали смета дека се работи за легитимна мета на украинската армија, Валас одговори дека прво Русија ја покренала илегалната инвазија, не само во 2014 туку и оваа година.

„Украина, според правилата на ОН, има право да ја брани својата територија и се што е потребно да го одбие окупаторот. Дали е тоа легитимно? Апсолутно е легитимно Украина, доколку е потребно, да користи сила не само да ја поврати својата територија туку и да ги избрка окупаторите“, изјави тој.

„Русите ја користеа таа воздухопловна база за да ја бомбардираат Украина. Сметам дека е тоа легитимна мета по секој воен прирачник“, истакна Валас.

Извор: МИА

Би можело да ве интересира

Илјадници Руси чекаат повеќе од 16 часа за влез во Монголија

А1он

Песков: Русија останува подготвена да преговара со Украина

А1он

Шефот на регионот Херсон: Граѓаните мирно избраа присоединување кон Русија

А1он

Да избегне конфликти, Грузија на руските граѓаните ќе им овозможи да ја преминат границата и пешки

А1он

Песков: Оштетувањата на гасоводите „Северен тек “ можеби биле предизвикани од саботажа

А1он

Казахстанскиот претседател вети заштита на Русите кои бегаат од мобилизацијата

А1он