Белгија го одбележува Денот на независноста

Од:

Денот на независноста на Белгија денеска наместо вообичаените воени паради ќе се одбележи со оддавање почит на жртвите од Ковид-19 и на здравствените работници, јави дописничката на МИА од Брисел.

Откажани се сите вообичаени прослави, вклучително и популарниот „бал“ на плоштадите, огнометите и забавите околу кралската палата во Брисел.

Комеморацијата започна утрово во десет часот со едноминутно молчење за сите жртви на коронавирусот, кој досега однесе над девет илјади животи во Белгија.

Кралот Филип Втори ќе се обрати попладнево пред двесте луѓе, за разлика од вообичаените две илјади гости.

Наместо традиционалната воена парада, предвидено е мало дефиле на неколку историски возила од Бригадата Пирон која учествувала во ослободувањето на Белгија во Втората светска војна, со што ќе се одбележи истовремено 75-годишнината од крајот на оваа војна во Европа. Кралското семејство предвиде оваа година „хероите“ на дефилето да бидат тројца поранешни борци и тројца здравствени работници, што треба да биде „симбол на интергенерациската размена“ меѓу „воените и современите херои“, пишуваат медиумите.

Би можело да ве интересира

Белгија: Бројот на заразени двојно се зголемува на десетина дена

Ана Ололовска

Рекордните септемвриски температури во Белгија ги загрижуваат експертите

Ана Ололовска

Вонбрачната ќерка на Алберт Втори ги бара своите права на суд

Ана Ололовска

Белгија: Зголемена стапката на вработеност од почетокот на пандемијата

Ана Ололовска

Белгија: Повторно расте бројот на новозаразени од Ковид-19

А1он

Над шеесет илјади Белгијци биле на одмор во црвена зона со Ковид-19

Ана Ололовска