Бајден: САД воено ќе интервенираат во случај на кинеска инвазија врз Тајван

Од:

Американскиот претседател Џо Бајден денеска во Токио предупреди дека САД „воено ќе го бранат Тајван доколку Пекинг го нападне овој автономен остров“, предупредувајќи дека Кина „флертува со опасноста“.

dobivaj vesti na viber

-Тоа е обврска што ја презедовме, рече Бајден на прашање на новинарите дали САД ќе интервенираат воено против обидите на Кина да ја заземе територијата насилно.

„Се согласивме со политиката на една Кина, ја потпишавме… но идејата дека (Тајван) може да биде преземен со сила едноставно не е соодветна“, кажа Бајден.

Тој додаде дека таквиот чекор „ќе го наруши целиот регион и ќе биде уште една акција слична на она што се случи во Украина“.

Според него, по руската инвазија на Украина, се зголемува потребата да се заштити овој остров.

Согласно политиката „На една Кина“, САД го признаваат Пекинг како влада на Тајван и немаат дипломатски односи со Тајпеј. Меѓутоа, тие одржуваат неформални контакти, вклучувајќи ја и „де факто“ амбасадата во главниот град Тајпеј, а обезбедуваат и воена опрема за одбраната на Тајван.

Извор: МИА

Би можело да ве интересира

Администрацијата на Бајден дава поддршка за потенцијалната продажба на борбени авиони Ф-16 на Турција

А1он

Бајден најави промена и зајакнување на американските сили во Европа

Ана Ололовска

Кина загрижена поради новиот стратешки концепт на НАТО

Ана Ололовска

Бајден и Санчез во Мадрид разговараа за засилување на воената соработка

А1он

Кина ги преполови карантинските денови за патниците кои пристигнуваат од странство

Ана Ололовска

Тајван и САД денеска ќе одржат трговски разговори

Ана Ололовска