Американскиот претседател Џо Бајден вчера му го честиташе изворот на функцијата на новиот германски канцелар Олаф Шолц, а притоа изрази надеж за воспоставување „посилни врски“ меѓу Вашингтон и Берлин.
„Му честитам на новиот германски канцелар Олаф Шолц. Со нетрпение очекувам да воспоставиме силни врски меѓу нашите две земји и тесно да соработуваме за да постигнеме напредок во справувањето со постоечките предизвици во светот“, напиша американскиот претседател на Твитер.
Администрацијата на Бајден не штедеше пофалби во последните месеци за конзервативната канцеларка во заминување Ангела Меркел, според која поранешниот американски претседател Доналд Трамп беше особено груб.
Во Вашингтон сега сметаат дека новиот социјалдемократски канцелар и шефот на дипломатијата, Аналена Баербок, од Партијата на зелените, ќе заземат поодлучен став кон Кина и Русија.
Американската Влада соопшти дека, и пред стапувањето на новата германска Влада, разговарала за можноста спорниот гасовод „Северен тек 2“ меѓу Русија и Германија да го искористи како средство за одвраќање на Москва од инвазијата на Украина.