Бајден ќе работи на укинување на смртната казна во САД

Од:

Избраниот претседател на САД Џо Бајден е против смртната казна и ќе работи на нејзино укинување, изјави денеска неговиот портпарол, додека Министерството за правда закажа уште три федерални егзекуции пред инаугурацијата на 20 јануари.

Затворското биро ја изврши осмата федерална егзекуција оваа година, по пауза од 17 години, и веројатно ќе го зголеми притисокот врз Бајден да одлучи дали неговата администрација ќе продолжи да закажува егзекуции по заклетвата.

Поддржувачите на укинување на смртната казна ја повикаа администрацијата на Доналд Трамп да ги суспендира сите егзекуции се додека Бајден не ја преземе функцијата.

– Бајден се противи на смртната казна, сега и во иднина, рече секретарот за печатот Т.J Дакло, но не наведе дали егзекуциите ќе бидат запрени веднаш откако Бајден ќе ја преземе функцијата.

Оваа година, Министерството за правда одобри егзекуција на повеќе луѓе отколку во претходниот половина век, и покрај тоа што смртната казна што ја изгуби јавната поддршка и од демократите и од републиканците.

Синоќа Министерството најави извршување на најстрогата казна за Алфред Буржоа на 11 декември, и Кори Џонсон и Дастин Хигс на 14 и 15 јануари.

За оваа година се закажани уште две егзекуции, вклучително и првата жена погубена во околу шест децении, но во четвртокот федерален судија донесе одлука дека погубувањето не може да се случи пред крајот на годината.

Би можело да ве интересира

Бајден ја разгледува кандидатурата на генерал Остин за шеф на Пентагон

Ана Ололовска

Трамп: Бајден ќе влезе во Белата куќа само ако докаже дека законски ги добил гласовите

Жарко Настоски

Трамп: Ќе ја напуштам функцијата ако колеџот на електори гласа за Бајден

Ана Ололовска

Џо и Џил Бајден за Денот на благодарноста: Годинава многу маси ќе останат празни за празникот

Ана Ололовска

Бајден има двајца кандидати за директор на ЦИА

Ана Ололовска

Бајден повика на внимателност од коронавирусот за време на Денот на благодарноста

Ана Ололовска