Во изјава за медиумите денеска на самитот на Г7 во Хирошима, американскиот претседател Џо Бајден вели дека има цврсто ветување дека Украина нема да користи борбени авиони Ф-16 за напад на руска територија.
Сепак, тој додаде дека Ф-16 би можеле да бидат корисни секаде каде што руската војска е на украинска територија.
Украинскиот претседател Володимир Зеленски му се заблагодари на американскиот претседател за борбените авиони Ф-16. „Да, долго време работиме политички на ова со нашите партнери. Навистина сме им благодарни на САД за оваа помош“, додаде тој.
Зеленски рече дека е важно украинските пилоти да поминат обука што е можно поскоро и посочи дека се уште не се знае колку авиони ќе добијат.