Претседателот на Соединетите Американски Држави, Џозеф Бајден денеска го осуди атентатот на премиерот на Словачка, Роберт Фицo.
„Вознемирен сум кога ги слушнав извештаите за нападот на словачкиот премиер Роберт Фицo. Џил и јас се молиме за брзо закрепнување и нашите мисли се со неговото семејство и со народот на Словачка“, рече Бајден.
Тој го осуди овој „страшен чин на насилство“ и истакна дека американската амбасада е во контакт со владата на Словачка и е подготвена да помогне.