Исламската Република нема да се откаже од своите црвени линии, како што се правото на збогатување ураниум, управување со Ормутскиот теснец и укинувањето на санкциите, нагласи денес шефот на парламентарниот Комитет за национална безбедност и надворешна политика на Иран, Ебрахим Азизи.
– Јасно е дека Трамп еден ден користи закани за да се спаси од овој стратешки ќорсокак, а следниот моли за договор, напиша Азизи на својот профил на платформата X, објави новинската агенција Мехр.
Американскиот претседател Доналд Трамп во среда тврдеше дека Иран „преговара со последните сили“ и инсистираше дека парламентарните избори во ноември нема да го принудат да брза со договор за да се стави крај на речиси тримесечната војна што предизвика тешкотии низ целиот свет.