Австралија ги предупреди своите државјани за конкретна закана од напади во Бенгази, откако вчера тоа го сторија Велика Британија, Германија и Холандија.
Постои опасност од напади врз западни цели во Либија во одговор на француската интервенција во Мали, посочува Министерството за надворешни работи.
Според податоци на Министерството, во Либија има вкупно 22 Австралијци, а двајца од нив се во Бенгази.
И Министерство за надворешни работи на Малта ги предупреди граѓаните да бидат внимателни бидејќи во Бенгази ситуацијата е „алармантна“. „Ер Малта“ денеска ги откажа летовите за Бенгази.