Иранскиот министер за надворешни работи, Абас Аракчи, денес го обвини израелскиот премиер Бенјамин Нетанјаху дека целта на нападот на Израел врз Иран е да го наруши разбирањето меѓу Техеран и Вашингтон.
„Бенјамин Нетанјаху е баран воен злосторник. Тој е исто така измамник кој ги измамил последователните американски претседатели да ги водат своите војни речиси три децении. Според сите индикации, целта на криминалниот напад на Нетанјаху врз Иран – убивањето на стотици невини цивили, вклучувајќи жени и деца – е да ги уништи договорите меѓу Иран и САД, за кои бевме на вистинскиот пат да ги постигнеме“, рече Аракчи на платформата X.
Аракчи предупреди дека „воените злосторници што се кријат во засолништа во Тел Авив нема да останат неказнети за своите злосторства“.