Штрајк на пристанишните и транспортните работници денеска го парализира второто најголемо европско пристаниште Антверпен, а железничкиот сообраќај кон Брисел е значително отежнат, јавија белгиските медиуми.
Штрајкот е дел од планираната серија протести поради намерата на белгиската Влада од следната година да ја зголеми старосната граница за заминување во пензија од 65 на 67 години и олеснувањата дадени за работодавачите за отпуштање работници.
Синдикатите најавија дека слични акции ќе се организираат се додека владата не се откаже од најавените мерки, а за 15 декември е закажан генерален штрајк во цела Белгија.