Центристичкиот политички блок на францускиот претседател Емануел Макрон би можел да освои меѓу 250 и 290 пратенички места на претстојните парламентарни избори, покажаа денеска резултатите од анкетата на францускиот институт Ифоп.
За апсолутно мнозинство потребно е блокот на Макрон да освои 289 пратенички места.
Анкетата на институтот Ифоп, исто така, покажа дека новоформираната левичарска алијанса предводена од Жан-Лук Меланшон се смета за втора најуспешна со 195 до 230 освоени места, повеќе од минатонеделната анкета, според која француската левица ќе победи меѓу 170 и 205 места.
Според резултатите од анкетата на Ифоп спроведена минатата недела, се предвидува блокот Макрон да биде победник со дури 275-310 пратенички места.
Извор: МИА