САД ја спроведоа првата своја вежба во спорните води на Јужнокинеското Море во времето на мандатот на Доналд Трамп, што најверојатно ќе предизвика нови негативни реакции на Кина, јавува ДПА.
Според американски официјални лица, ескадрилниот носач на мини „Дјуи” минал на само 12 морски милји од гребенот Мисчиф, којшто е дел од архипелагот Спратли, над чијшто суверенитет Пекинг тврди дека полага право.
– Морнарицата на САД дејствува секојдневно во азиско-тихооеканскиот регион, вклучително и во Јужнокинеското Море. Делуваме во согласност со меѓународното право. Прелетуваме, пловиме и дејствуваме насекаде каде што меѓународното право тоа го дозволува, изјави портпаролот на Пентагон, Џеф Дејвис.
Такви патролни мисии на американската Морнарица, познати под називот „Операции за гарантирање на слободата на пловење” беа рутина во времето на Обама, но ова е прва ваква операција на Администрацијата на Трамп.