Лидерите од Претставничкиот дом и Сенатот на американскиот Конгрес, од комисиите за трошоци и финансии, изјавија дека подготвуваат нацрт-закон според кој се прекинуваат нормалните трговски односи со Русија и Белорусија, јави денеска Си-ен-ен.
Нацрт-законот предвидува Белата куќа да уреди зголемување на царинските давачки за увоз на стока од Русија. Потоа, им дава право на трговските претставници на САД да побараат отстранување на Русија од Светската трговска организација, и да го запрат зачленувањето на Белорусија во СТО.
Во нацрт текстот на законот се предвидуваат и законски можности за забрана за увоз на енергенси од Русија, и прекинување на вообичаените трговски односи со Русија и Белорусија.
Извор: МИА