Американскиот геолошки институт на својата веб-страница напиша дека илјадници луѓе најверојатно загинале во Мјанмар по разорните земјотреси, со оглед на очигледната јачина на земјотресите.
Прогласен е црвен аларм во кој се наведува дека од земјотресите се погодени Бангладеш, Индија, Лаос, Мјанмар, Тајланд и Кина.
Силен земјотрес го погоди централниот дел на Мјанмар, поради што луѓето бегаат од зградите дури до Бангкок, главниот град на соседен Тајланд.
Геолошкиот институт на САД (USGS) соопшти дека земјотресот бил со јачина од 7,7 степени и бил на длабочина од 10 километри. Следуваше силен последователен потрес.
Епицентарот на земјотресот бил на околу 17,2 километри од градот Мандалај, вториот по големина град во Мјанмар, кој има околу 1,5 милиони жители.
Градските власти го прогласија Бангкок за област на голема катастрофа по силниот земјотрес во соседен Мјанмар, соопшти градското собрание на Бангкок.
Градоначалникот на Бангкок е задолжен за спроведување на одговорот на оваа катастрофа, се вели во соопштението.