Неколку американски ТВ мрежи синоќа го прекинаа преносот во живо во првото појавување во јавноста на американскиот претседател и кандидат на републиканците, Доналд Трамп од изборната вечер откако заклучија дека тој шири дезинформации.
WATCH: "OK. Here we are again in the unusual position of not only interrupting the president of the United States, but correcting the president of the United States," Brian Williams says on @MSNBC moments into the president's statement tonight. pic.twitter.com/2AliTQuSsr
— MSNBC (@MSNBC) November 6, 2020
Трамп во 17-минутно обраќање упати голем број неиздржани тврдења, инсистирајќи дека демократите користат „незаконски гласови“ за „да ни ги украдат изборите“.
Претседателот зборуваше додека пребројувањето на гласовите во сојузните државите покажа дека демократот Џо Бајден постојано се приближува до победата.
„Тука сме повторно во невообичаена позиција не само да го прекинуваме претседателот на САД туку и да го корегираме претседателот на САД“, рече водителот на Ем-Ес-Ен-Би-Си, Брајан Вилијамс, бидејќи мрежата брзо го прекина своето известување во живо.
Ен-Би-Си и Еј-Би-Си Њуз исто така „се исклучија“ од преносот во живо на говорот на Трамп.
„Колку тажна вечер за САД да го слушнат својот претседател да го кажува тоа, за лажно да ги обвинува луѓето дека се обидуваат да ги украдат изборите“, рече Џејк Тапер од Си-Ен-Ен.
Тој го опиша тоа како „лага по лага по лага за украдени избори“, без докази.