Алстон: Нивото на сиромаштија во Шпанија е загрижувачко

Експерти на ОН ја критикуваа Шпанија поради економската политика со која ги игнорира сиромашните, а ги фаворизира богатите.

Специјалниот известувач на ОН за екстремна сиромаштија и човекови права, Филип Алстон, денеска рече дека сиромаштијата во Шпанија е резултат на политичкиот избор.

Алстон истакна дека Шпанија постигнала економски напредок и оти БДП и платите се зголемени, но социјалните можности се нешто друго.

Шпанија, според сите социјални параметри, е или на дното или близу до дното, предупреди Алстон.

Following my visit investigating poverty in #Spain, I found that it is utterly failing people in poverty, whose situation now ranks among the worst in the EU. The preliminary findings from my visit are now available here: https://t.co/kotJRJonGZ #España pic.twitter.com/DkES30ySju

— Philip Alston (@Alston_UNSR) February 7, 2020

Тој ги претстави своите проценки и првични наоди пред јавноста, откако посети шест региони и оствари бројни средби со луѓе кои живеат во сиромаштија, претставници на граѓанскиот сектор, студенти и службени лица.

Индексот на ризик од сиромаштија на Шпанија се уште е над европскиот просек од 22 проценти и варира од 29 проценти во 2013 година до 26 проценти во 2017 година.

Иако стапката на економски раст во Шпанија е малку повисока од европскиот просек, стапката на невработеност е 14 проценти, што е двојно повеќе од просекот на ЕУ.