Вулканот Плоскиј Толбачик на Камчатка се активираше, поради што на пилотите на локалните авиолинии им е препорачано да ја променат маршрутата на летовите со оглед на опасноста од вулканската пепел, која може да им наштети на моторите, соопшти прес-службата на Главната управа на Министерството за вонредни систуации во Камчатскиот крај.
Плоскиј Толбачик почна да се активира доцна синоќа, откако беше „заспал“ од декември 1976 година. Вулканот, кој се наоѓа на 3.085 метри надморска височина, исфрла пепел, која се шири во радиус од 65 километри.
Опасност за населените места околу вулканот нема, смируваат експертите, но сепак властите им препорачаа на жителите на Мајское да ги затворат вратите и прозорците на своите домови и без потреба да не изгледуваат на улиците.