Иранскиот претседател Махмуд Ахмадинеџад остро го осуди американскиот антиисламски филм „Невиноста на муслиманите“, што предизвика бран од протести во исламскиот свет, реализирани со насилство, пренесоа француските медиуми.
Истовремено, во интервју за американската телевизија Си Ен Ен, Ахмадинеџад повика на воздржаност во реакциите на филмот.
Ние всушност го осудуваме секое провокативно дејствие, што ја навредува религиозната мисла и чувствата на кој и да било народ, соопшти тврдолинискиот ирански претседател.
Навредата на пророкот Мухамед тој ја оцени како пример за „ниското место на слободата“ и „злоупотреба со слободата“.
Истовремено, Ахмадинеџад цврсто ја осуди и наградата од 100.000 долари, ветена од пакистански министар за главата на режисерот на „Невиноста на муслиманите“.
Иранскиот претседател изјавата ја даде во момент кога неговата земја, според британскиот весник „Гардијан“, се подготвува да го блокира достапот до Интернет пребарувачот Гугл заради антиисламскиот филм.
Популарниот сајт за видео снимки ЈуТјуб, каде беше закачен трејлерот на „Невиноста на муслиманите“, е сопственост на американската компанија Гугл.