Според Глобалниот индекс на тероризам на австралискиот Институт за економија и мир, најголем број на терористички напади се случуваат во земјите во Африка и на Блискиот Исток, додека балканските земји се со најмал ризик од тероризам.
Бројот на смртни случаи предизвикани од тероризам во светот е намален за 22 отсто во однос на 2014 година, но зголемен е бројот на терористички напади во развиените земји на 67 отсто.
Забележан е зголемен раст на индексот поради нападите во Ирак, во Јужен Судан, Турција и Етиопија, поради што на светско ниво ситуацијата е сериозна и покрај намалувањето на влијанието на тероризмот во дури 79 држави.
Петнаесете најзагрозени земји се Ирак, Авганистан, Нигерија, Сирија, Пакистан, Јемен, Сомалија, Индија, Турција, Либија, Египет, Филипни, Конго, Јужен Судан и Камерун.