Туристички автобус се превртел на автопатот Суец-Каиро при што се повредени 43 туристи од различна националност и четворица Египќани, меѓу кои и возачот, додека се враќале од Шарм Ел Шеик, јавува денеска египетскиот портал Каиро 24.
Во несреќата, покрај возачот на автобусот, повредени се 11 Турци, двајца англиски државјани, 21 Русин и девет италијански државјани, кои се пренесени во медицинскиот комплекс во Суец, додека тројца Египќани одбиле да бидат пренесени во болница, соопштија од Египетски портал.
Сообраќајните службеници во моментов ги истражуваат причините за несреќата за да утврдат дали несреќата настанала поради преголема брзина или неисправност на возилото.
Генерал-мајор Тарик Хамид Ал Шазли, гувернерот на Суец, наредил да се подигне нивото на подготвеност во медицинскиот комплекс во Суец и да се повикаат медицински тимови за лекување на повредените во несреќата, пишува египетскиот портал.