Организацијата за заштита на човекови права Амнести интернешнал соопшти дека 210 луѓе загинале во судирите со силите за безбедност за време на минатонеделните демонстрации во Судан против претседателот Омар Хасан Башир.
Амнести објави за број на жртви по податоци од суданскиот синдикат на лекари.
Суданската Влада тврди дека во судирите загинале 34 луѓе и преку 700 се повредени. Демонстрациите почнаа во понеделникот откако Владата укина субвенции за гориво што предизвика инфлација. Протестите се најголем предизвик за 24-годишното владеење на претседателот Башир.