Големо полициско обезбедување вклучувајќи ги и специјалните единици се распоредени на неколку локации во главниот град пред денешните закажани протести преку социјалните мрежи, поради пресудите за петкратното убиство кај Смилковското езеро.
Полицијата на еден час пред протестите е поставена пред Музејот на холокаустот, Собранието и Владата.
Според најавите на социјалните мрежи, протестите кои не се пријавени во полицијата, се закажани во 14:00 часот, пред Јаја Паша Џамијата по завршувањето на пладневната молитва.
Во исто време кога се најавени протестите, на социјалните мрежи се организираат и контра – протести кои се планирани да се одржат пред Владата.
Протестот кој се одржа минатиот петок ескалираше, при што во нередите беа повредени неколку полицајци и уапсени 20-тина демонстранти.
Петар Клинчарски