Даваме поддршка за кандидатурата на професор Блерим Река за претседател на Северна Македонија, ова е најдобрата понуда за граѓаните, тој има добар концепт и визија како ја гледа земјата, рекоа на днеешната прес-конференција лидерите на Беса и Алијанса за Албанците, Билал Касами и Зијадин Села.
„Јасно е дека борбата секогаш се водела помеѓу политичари кои имаат за цел права и слободи за граѓаните, а од друга страна политичари кои централизираат и сакаат да владеат“, изјави Села и додаде дека Река е совршена симболика за консензуален кандидат кој се бара со месеци.
Билал Касами, лидерот на Беса, изјави дека ги охрабрува сите партии, други интелектуалци и важни фактори во јавниот живот да го поддржат Река како непартиска личност.
„Со поддршката на Река, кој е независен кандидат, ќе покажеме дека сме спремни да одиме напред во департизацијата на државата“, рече Касами.
Галена Николовска-Ризвановиќ